Frábær Spaugstofa!

Oft hef ég skemmt mér vel yfir Spaugstofunni en sjaldan sem í kvöld. Það er ekki oft sem ég skelli uppúr aftur og aftur þegar ég sit alein yfir sjónvarpinu, en þátturinn í kvöld fannst mér alveg óborganlegur. Gestaleikararnir voru alveg frábærir og bættu vel við hjá þeim Pálma, Karli Ágústi og Erni Árna. Siggi Sigurjóns virðist hafa verið í fríi sem kom sér illa þar sem Ragnars Reykáss-heilkennið var töluvert til umræðu. En Spaugstofumenn komu í kvöld með þá einu skýringu á Kárahnúkavirkjun sem ég er tilbúin að samþykkja. Það bara hlaut að vera einhver húmanískur tilgangur með þessari virkjun. En ég þarf eiginlega að sjá þáttinn aftur - og aftur!

Það hefur verið lítið um að vera á þessu bloggi mínu undanfarið. Það hefur svo sem ýmislegt átt sér stað sem vert hefði verið um að skrifa en ég hef bara einhvern veginn ekki verið í stuði. Ég átti t.d. eins árs bloggafmæli á föstudaginn og hafði af því tilefni ætlað að skrifa langhund en lá þá í pest og gat varla lyft höfði frá kodda.  Er þó öll að skríða saman og hef á dagskránni að koma við hér aftur sem fyrst.

Athugasemdir

[Halla (IP-tala skráð) 3.2.2008 kl. 11:19]

Gott þú ert komin hér aftur ljúfan mín, vona að þú sért orðin hress? Hlakka til að sjá þig næst, hvenær sem það verður???

Sá ekki Spaugstofuna, finnst þeir reyndar bestir þegar þú ert með beina lýsingu;-)

Knús ljúfust, sakna þín!

[Siggadís (IP-tala skráð) 5.2.2008 kl. 11:04]

Gaman að sjá að það er líf á þessari síðu, mín kæra