Jæja

Þá er kvöldið liðið og brautin er bein!

Ekkert nema frágangur eftir.

Ég vakna í síðasta sinn á morgun þannig að ég sæki Moggann og les hann í rúminu og reyki hverja sígarettuna á fætur annarri á meðan.

Svo pakka ég og keyri til Hveragerðis - og ekkert verður eins, aldrei.

Guð láti gott á vita.

Athugasemdir

[Gerður (IP-tala skráð) 25.2.2007 kl. 12:21]

Mig dreymdi í nótt að þú myndir deyja, daginn sem þú hættir að reykja...

Þýðir það ekki á draumamáli að þú hefjir nýtt og betra líf?

Ég spái því allavega að þér eigi eftir að ganga glimrandi vel! 

[Hrafnhildur (IP-tala skráð) 26.2.2007 kl. 09:21]

Það stendur algjörlega uppúr að það er gott að hætta að reykja. En fyrir því þarf einungis eina forsendu: Manni þarf að langa meira til að reykja EKKI en mann langar til að reykja.

Ég reykti í 10 ár, mjög samviskusamlega og barðist allan þann tíma fyrir réttindum reykingamanna af miklum krafti. Stóð jafnvel upp á fundum og hélt þrumuræður. Svo hætti ég að reykja í bílnum, svo hætti ég að reykja á heimili mínu, svo var bannað að reykja inni í vinnunni og var á endanum orðinn útireykingarmaður. Einn daginn fékk ég hálsbólgu og varð ógeðslega veik í marga daga og gat ekki reykt í tvo daga. Ákvað að prófa einn reyklausan dag í viðbót og opna ekki pakkann sem ég átti. Hann átti ég svo lengi óopnaðann og henti honum loks í ruslið.

Í dag fitja ég upp á nefið þegar ég finn reykingarlykt, er orðin ein af þeim. Til hamingju með að hafa tekið ákvörðun um að verða ein af okkur, nú kemur í ljós hvort þig langar meira :o)  1000 hilsur frá Habbý