RFF fundur

Reyklausa Frábæra Fólkið heldur fundi á mánudagskvöldum. Var á einum slíkum áðan. Við erum alveg ótrúlegt fólk. Njótum þess í botn að hittast og nöldra og kvarta, nöldra og kvarta OG nöldra og kvarta í svona 2 tíma. Förum svo heim og okkur líður öllum miklu betur. Mitt umkvörtunarefni í kvöld var það að mig hefur dreymt í margar nætur í röð að ég sé að reykja, ég finn mig draga reykinn djúpt niður í lungun og finnst það frábærilega gott. Þá kemur annar reyklausi vinur minn og segir mér hvernig hann dílar við þetta, hann lætur sig draga reykinn djúpt niður í lungun ... en verða að stoppa á miðri leið til að hósta ... !!! Og þá datt ég framúr ... eins og segir í laginu.