Ásta Lovísa Vilhjálmsdóttir

Þessi hugrakka stúlka var tilnefnd maður ársins 2006 af tímaritinu Ísafold. Hún hefur bloggað um líf sitt sem krabbameinssjúklings í marga mánuði af mikilli hreinskilni. Það má vera hjarta úr steini sem viknar ekki við vangaveltur hennar um að mögulega deyi hún á undan börnunum sínum. Nú virðist sem það verði raunin. Skilaboðin frá bróður hennar, skrifuð þann 9. maí, eru erfið aflestrar, jafnvel fyrir fólk sem ekki þekkir Ástu Lovísu persónulega.

Kæri lesandi, skoðaðu síðuna hennar og sendu henni og fólkinu hennar góðar hugsanir og fyrirbænir. 

Athugasemdir

[Þráinn (IP-tala skráð) 12.5.2007 kl. 16:36]

Það er ekki hægt að segja annað en þetta snerti við manni

[Hafrún Ásta (IP-tala skráð) 13.5.2007 kl. 12:59]

Þessi ótrúlega stelpa sem er vinkona mín. Hefur eins og henni er von og vía risið upp og hefur baráttu sína upp á nýtt með nýjum forsendum. Þessi stúlka er sannkölluð hetja.