Hvernig er hægt að kjósa sjálfstæðisflokkinn?

Ég hef aldrei, einhvern veginn, haft löngun eða getu til að kjósa Sjálfstæðisflokkinn. Það er bara eitthvað innbyggt í systemið sem segir NEI þegar þann kost ber á góma. Þegar ég fékk kosningarétt, fyrir nokkrum áratugum síðan, lagði ég það á mig að lesa stefnuskrár allra flokka sem þá voru í framboði og velja síðan samkvæmt þeirri sannfæringu minni að allir sem voru að lofa einhverju myndu standa við loforðin sín flottu. Nú, 30 árum síðar, veit ég að ekkert er að marka þessi kosningaloforð, vænlegra er að horfa á árangur þeirra sem við stjórnvölinn hafa staðið þegar komið er að næstu kosningum. Hvað er svona frábært við þennan sérhagsmunaflokk?

Leiðsögn um lendur sjálfstæðismanna óskast! 

Athugasemdir

[Fishandchips, 13.5.2007 kl. 01:18]

sammála.... Þessir flokkakostninar... Afhverju kjósum við ekki menn eða konur á þing. Við getum aldrei verið sammála flokki eða fukki. 

Kjósum manneskjur.... Ekki flokka. eða fuck

[Dísa (IP-tala skráð) 13.5.2007 kl. 16:15]

Ég held að margir þeirra viti það ekki sjálfir hvað þeir standa fyrir og enn síður hvað aðrir flokkar standa fyrir. Um daginn sagði mikill stuðningsmaður Sjálfstæðisflokksins við mig “ætlarðu virkilega að kjósa helvítis kommana?“ þegar hann frétti að ég styddi Samfylkinguna. Það segir kannski allt sem segja þarf að þessi maður er líka aðdáandi Bush og hans stjórnar.

[Dísa (IP-tala skráð) 13.5.2007 kl. 20:52]

Af því að þú varst að tala um það að orðheppnir menn heilli þig, má ég til með að leyfa þér að heyra tilvitnun sem ég heyrði Jón Björnsson (Kristjánssonar) sálfræðing hafa eftir manni, sem ég því miður heyrði ekki hver er.

Tilvitnunin er svona „Oft munum við iðrast ef við erum of málgir. En sjaldan ef ekki er orðum aukið“ Flott finnst þér ekki?

Það sem Þorvaldur sagði var líka mjög vel sagt.

[Vilborg Valgarðsdóttir, 13.5.2007 kl. 21:07]

Mikill sannleikur í þessum orðum og minnir mig á að ég er enn ekki búin að lesa bókina hans Jóns, Með skör járntjaldsins, sem ég fékk í jólagjöf. Þar hjólar hann frá Gdansk til Istanbúl og hugsar upphátt eins og segir á bókarkápu. Takk fyrir að minna mig á hann Dísa mín.

[Vilborg Valgarðsdóttir, 15.5.2007 kl. 13:57]

Það er svo skrítið að um 40% þjóðarinnar skuli kjósa flokkinn í öllum kosningum meðan við hin bara sjáum ekki ljósið! Voða væri nú gaman ef þessi 60% sem eftir eru myndu nú makka sig saman í einn stóran jafnaðarmannaflokk