Erðanú bloggari!

Ég er auðvitað löngu komin heim frá Tyrklandi, meir að segja búin að eyða viku í Litháen síðan þá en ég er bara alveg dottin úr bloggstuði.

Það var dásamlegt í Tyrklandi, ég var eiginlega hálf sorgmædd að fara þaðan. Vika er allt of stutt. Muna það næst. Veðrið var frábært og félagsskapurinn líka - við slíkar aðstæður er von að tíminn fljúgi.

Ég var á leiklistarhátíð með Leikfélagi Selfoss í Litháen. Þar var heldur betur haldið á spöðunum; á tveim og hálfum sólarhring voru sýndar 10 leiksýningar, haldnar 3 leiksmiðjur, 2 umræðufundir, opnunar- og lokaathafnir afgreiddar og svo var samvera á kvöldin! Bara borðað og sofið þegar tími gafst til. Mikið sem var kalt inni í byggingunum þarna. Það er víst ekki skrúfað frá neinum hita inni fyrr en hitastigið úti er komið niður fyrir frostmark. En á meðan við stoppuðum rigndi látlaust og maður var alltaf hálf blautur og hrollkaldur. En Litháarnir tóku vel á móti okkur og þreyttust ekki á að gera vel við okkur. Þeir gleyma því ekki enn að við vorum fyrsta þjóðin til að viðurkenna sjálfstæði þeirra upp úr 1990.

Nú ætla ég að eyða helginni með vinkonum í sumarbústað, það verður örugglega jafn gaman og venjulega!

Athugasemdir

[Íris Árný (IP-tala skráð) 19.10.2007 kl. 19:33]

Takk fyrir dásemdarsamveru.....verður tekin með í allar leikferðir L.S hér eftir...er það ekki flott, og fínt og flott og fínt og flott og fínt....og sjitt og fo....nei, er á opnum vef;)

Njóttu sumablíðunnar í sumarbústaðnum...... 

[Halla (IP-tala skráð) 23.10.2007 kl. 20:43]

Já ljúfust mín, það var sko gaman hjá okkur og nú þurfum við að skipuleggja næstu ferð...er það ekki annars afmælisferð okkar allra til útlanda? Það væri nú ekki lítið gaman,- í vor t.d.? Knús og takk fyrir síðast;-)